《洩密》車內孤男寡女 阿佘急澄清只是追逐戲

  佘詩曼(阿佘)、張智霖(Chilam)和吳鎮宇等,前晚齊出席合演的《洩密者們》首映禮,鎮宇大爆阿佘與張繼聰有場「車廂戲」,阿佘被問到是否車震戲?她即澄清只是追逐戲而已。

  吳鎮宇前晚指張繼聰為了這場車廂戲而練大隻,所以阿佘即被問到是否拍車震戲?她澄清只是追逐戲,而張繼聰表示希望下次有更多對白,在旁的鎮宇即搞笑說:「下一世想同你有多啲對白。」Chilam則透露,飛車追逐戲會搵替身演出,因為自己駕駛技術不像錢嘉樂般厲害,以免害到其他人。

  另外,鎮宇講他與阿佘及Chilam一齊拍槍戰及飛車戲,問到可有危險?鎮宇說:「都危險O架!但都會有替身,(你不演出危險戲?)我可以嘅,見到樣就自己做,見唔到就替身做。我試過有次有導演問我由一樓跳落去得唔得?我話可以,但見有替身梗係俾人賺,佢仲話我O依家矜貴咗。」結果替身一跳就拗柴,最後由鎮宇親身上陣。

  談到臨近父親節,鎮宇笑言父親是負責賺錢回來過母親節,他又爆11歲兒子費曼是肥仔,已有肚腩呢!


hd