敗走加拿大 谷C cup胸瘟仔 雷莊𠒇激凸玩視像

        昨日24歲生日嘅應屆雙料港姐冠軍雷莊𠒇(Juliette),日前被影到去酒店密會外籍男,不過當事人話男友都識對方,睇到報道一笑置之。咁又係,係人都知佢情陷加拿大牙醫男友Brandon,日前又被本報發現隔空瘟仔。日前下午,見佢化淡妝著上一條貼身長裙大騷S型身材咁遊走維園,塞住雙耳做低頭族嘅佢沿途挺34C巨咪,沉迷與男友玩視像,就算男友見唔到真人,都可以「隔芒」望吓女友副body提吓神囉!

雷莊𠒇當選後棚哨牙、素顏樣等屢受劣評,連新一屆港姐招募宣傳片都「被消失」,暑假交棒畀新任港姐冠軍後就敗走加拿大。查實Juliette對港娛圈一向無心戀戰,好似月前佢位牙醫男友嚟港,Juliette寧願推job陪足男友9日,更被本報直擊佢零妝「湊仔」又當街攬錫親熱!事後當事人回應sweet話「我哋似超能膠鍾意黐埋一齊!」瘟仔上晒腦O架!

遠距離影身材

  日前下午,Juliette着得好清涼爽咁出街。佢穿上一條薄料貼身summer dress,大騷S形身材現身銅鑼灣希慎廣場。見佢一直戴headphone塞住雙耳,雙眼甜望住部手機做低頭族,原來忙緊同男友仔視像通話。沉迷玩視像嘅佢,由希慎經維園,大大步波濤洶湧咁行返天后寓所,沉醉喺二人世界。其間就算過馬路都keep住頭耷耷,唔顧路面安全,好危險O架!而佢不時將手機拉遠再zoom近,讓男友睇清楚佢激凸上圍,照顧周到。最後一路行返天后一幢樓齡有45年嘅單幢式舊樓,該廈一個實用面積約260呎嘅細單位,月租過萬。

採訪 : 梁志明

hd