約雙方子女齊玩耍 克勤要同周國賢「對親家」

  李克勤前晚與周國賢及江海迦(AGA)合作演出《拉闊音樂會THE TRIO 仨》,克勤說自己和周國賢都已為人父,為何周會那麼有型?並笑稱自己樣子都耐看,又向周道:「你有三個女,我有兩個仔,可約埋一齊去Play date。」完騷後問克勤是否打算跟周國賢「對親家」?他坦言約緊,太太盧淑儀亦冇問題。

  而演唱會上,AGA向電台致謝詞時,周國賢突然插嘴說:「我可唔可以插你少少?」當他講完後才驚覺自己講錯說話,「我唔係嗰個意思。」克勤則幫口說:「我過往都講錯過,但O依家仲可以喺度唱歌,證明冇事。」

  近日克勤亦為新歌《單身狗》拍攝MV,他更專誠邀請好友阮兆祥擔任MV男主角,自己就飾演他的朋友。克勤透露兩人早於30幾年前在聯校音樂聚會認識,更曾經一齊參加歌唱比賽,他說:「當初要搵《單身狗》嘅MV男主角,就馬上諗到祥仔,因為我唔一定要拍到男主角好型,反而想拍出嗰種單身嘅味道。」一向被視為「喜劇演員」的祥仔,就多謝克勤讓他演繹深層次角色。

hd