古仔Chilam再合作有默契  嘉穎殺入《L風暴》唔敢NG

  古天樂和張智霖(Chilam)繼《S風暴》後再度合作,今次在《L風暴》中盡顯默契,其中一場講述Chilam拘留古仔48小時,以爭取時間搜查證據協助對方洗脫嫌疑的場口,拍攝前兩人與導演、編劇討論好劇本後即埋位試戲,之後旋風式一take過完成!Chilam笑言是多年合作的經驗累積。

  新加入的鄭嘉穎,今次首次與古仔合作,第一日開工就要拍他盤問古仔的場口,有大量對白,事前二人溝通完馬上試戲,點知導演臨時修改對白,擁有頭兩集經驗的古仔,對於繞口對白應付自如,而嘉穎則笑言唔衰得:「我同自己講打死都唔可以NG,所以要即刻記熟啲對白,好彩最後都冇NG,仲覺得好刺激O添!」


hd