50歲首演舞台劇 張可頤唔結婚要搵靈魂伴侶

  今年3月踏入50歲的張可頤(Maggie)作新嘗試,處女演出百老匯舞台經典系列作品《但願人長久》,「我太過追求完美係病嚟嘅,冇把握嘅嘢唔敢輕易嘗試,好彩諗通咗,發現呢個世界係冇完美嘅,偏偏最恐懼嗰樣嘢就要做嗰樣嘢,o依家努力改進中,希望呢個改變幫到我嘅姻緣。」

採訪:方騫平 髮型:Herman Law @ii hair & nail(謝君豪) 場地:club Vic of Hotel Vic

  近年張可頤好少出現幕前,養尊處優多年,8月25日將於新光戲院演出10場舞台劇《但願人長久》,跟舞台劇王子謝君豪飾演一對夫婦,和兒子面對身患絕症嘅老公,表達對疾病及死亡的感受。追求完美嘅Maggie向來唔會打冇把握的仗,接《但願人長久》前非常猶豫,「對我嚟講,舞台劇係藝術表演嘅最高境界,可能我未受過正統訓練,有啲自卑,聲線又唔得。經導演張之珏加埋經理人合力說服,亦覺得要趁後生試吓,o依家唔做,5年後更加唔會做。」

單身好快樂

  謝君豪就向Maggie大派定心丸:「只係玩法唔同啫,只要enioy去做咪得囉。不過,挑戰成功就會成為全能藝人,所以近年劉嘉玲、秦沛、惠英紅等都會抽時間去做。」Maggie笑說:「平日我煮開簡單嘅公仔麵,睇吓轉煮鮑參翅肚得唔得先。」之前TVB重播她主演的《法政先鋒3》,Maggie睇返都覺得唔錯,回憶當日背對白背到嘔,流晒汗。問到會否再拍劇?佢話,「遇到好似紅姐套《鐵探》咁好睇嘅劇集都想拍嘅。」張可頤跟昔日TVB花旦黎姿、蔡少芬及郭可盈齊名,三人已成人母!講到感情狀況,她說:「我覺得呢個年頭結唔結婚都冇分別,我唔係需要搵個男人,而係搵個靈魂同自己接近嘅伴侶,除咗呢樣,朋友、家人、同事都好齊整,所以我單身都好開心。」


hd