新節目走勻五國深度遊 項明生講殖民地及近代史

  「旅遊達人」項明生(James)繼去年在香港開電視推出節目《明治憑甚麼》後,因反應好今年再添食推出《明日世遺》。他表示節目籌備半年、拍攝近五個月,走勻泰國、寮國、越南、緬甸和柬埔寨五國,節目會談及五國的近代史、殖民地、宗教和城市規劃等主題。當中有提及政治,James表示希望港人從其他國家歷史事件中反思和獲得啟發,。撰文:李佩儀 攝影:李權威

  剛播出一集講緬甸的昂山素姬怎樣被軟禁二十年,期間她禪修打坐將憤怒放低;亦會講赤柬為建立純潔社會極端社會主義,初心是好,但最終摧毀了社會。James坦言現時港人為爭取訴求發生很多不愉快事件,希望有人看完節目後能反思和有所啟發。雖然有提及政治,但始終是旅遊節目,James稱任何人都啱睇並坦言:「要做到深度遊,泰國我去咗三十幾次,寮國亦去咗三次,我喺節目講得畀你聽,都係你上網搵唔到,全部都係我嘅觀點同角度。」

曼谷撞鬼

  其中一個主題講殖民地,James會比較被英國統治過的緬甸和給法國統治過的寮國、越南和柬埔寨的分別,他說:「法國鍾意喺市中心起歌劇院,所以喺金邊、河內同胡志明市都有,而仰光你就會見到動植物公園。」今次他的拍檔有合作開的DJ馮志豐,而妹頭盧頌恩就是首次合作,他表示妹頭好玩得,大家一見如故拍得好開心。他最難忘與妹頭曾在曼谷撞鬼,「我去到一間由混血名模Tara開嘅百年歷史餐廳,食食吓飯佢話我哋後面條柱有隻鬼,但係開心鬼嚟,我半信半疑,後尾同妹頭喺餐廳門口影相,居然影到妹頭後面有個得半身嘅白影,唔信都唔得。」


hd