紮小髻約友睇戲 59歲紅姑插袋行街好有型

  近年鍾楚紅活躍度提升,例如去年開過相展,而鍾意藝術嘅佢又會成日去睇展覽,老友鄭秀文開Show,佢會捧足兩日場,加上出席唔同嘅品牌活動,半退休生活優哉游哉,所以下年踏入60歲,但紅姑感覺仍然好後生。日前下午4點,永遠紮個小髻的紅姑約朋友去太古廣場睇戲,衣着簡約有潮味嘅佢雙手插袋慢慢行,非常有型。採訪︰李權威

  紅姑鍾意旅行又鍾意影相,之前東京及京都櫻花盛開,佢即興約朋友去賞櫻,對於最想去嘅地方,紅姑話:「最想去未去過嘅南美洲,當地植物好靚,地理環境又好唔同。」

  紅姑愛賞花,見到花就開心。咁追求者係咪可以用鮮花攻勢打動佢?紅姑無直接回答,只表示經常收花。

唔戴口罩唔怕你望

  當日,一身chic style嘅紅姑同朋友現身太古廣場,戴超無戴口罩,紮住小髻嘅紅姑大大方方同朋友行去戲院買飛睇戲,即時有場次又有位,紅姑同友人商量咗一陣就買飛,然後入戲院。6點多散場,一臉滿足嘅紅姑雙手插袋喺商場行咗陣,沿途好多人回頭望佢,淡妝紅姑的確好靚。


hd