塞浦路斯影婚照 陳鈺芸同老公甜蜜揀婚戒

  即將在下月1日於美國結婚的「打女」陳鈺芸(JuJu),日前與未婚夫導演司徒永華(Anthony)到中環買結婚戒指。由於要揀埋其他珠寶首飾嚟配襯婚禮上的婚紗和晚裝,當日揀足3個鐘。雖然婚後忙於拍戲未能度蜜月,但JuJu表示之前去咗位於地中海東部、有「愛神之島」稱號的塞浦路斯影婚照已很滿足,因當地天空很藍,海景亦非常靚,相片好有藝術感,令她好滿意!撰文:李佩儀

  JuJu日前到中環揀選婚戒,她表示鍾意簡單又型格的款式,並笑言:「太多款式搞到我有啲選擇困難,結果要由老公幫我揀,而佢嗰隻我一眼就睇中,我都係幫人揀叻過揀畀自己!」由於品牌的首飾好colourful,她還揀選幾套在婚宴上佩戴,所以足足揀了3個鐘,她表示:「兩隻結婚戒指3萬幾蚊係自己買,啲首飾就係sponsor,所以到時都要有保鏢看守。」

情傾愛神之島

  問JuJu待嫁心情,她坦言現時還在工作,所以一直都是由Anthony籌備婚禮。她續稱:「結婚當日先喺洛杉磯Wayferes Chapel行禮,夜晚就喺第一屆奧斯卡舉行嘅地點Roosevelt Hotel舉行Wedding Party。」提到早前她在塞浦路斯影婚照,她解釋:「因為拍電影《柔術》時認識呢個地方,先知佢係愛神之島,所以特登搵兩日唔使拍戲嘅日子去Paphos同Aiya Napa影婚紗相。」她笑言去了洞穴、山崖和沙灘拍攝,但因婚紗又長又大件,所以爬上山崖時需要4個人協助,完全是Team work!


hd