越級挑戰環島游45公里 方力申仍好勝唔輸得

  前香港泳隊隊員方力申退役後成為藝人,唱歌拍戲15年,期間將游水放埋一邊。11月佢會為「點滴是生命」進行「香港環島泳45公里慈善挑戰」,預計12小時內完成,目標籌450萬為45萬名缺水的貧困人士提供潔淨食水。小方坦言以前最多游1500米,今次絕對是越級挑戰。除了父母擔心,以前隊友亦撥冷水,令他更積極練習。他表示策略是留前鬥後,並加入4位游泳好手陪他游水以激勵鬥心望能完成。他續稱:「你問我得唔得?我唔會畀自己唔得。」撰文:李佩儀 攝影:張詠森 化妝:Yen Lai

髮型:Vince Pang@IL Colpo Platinum TST 服裝:@aapestore #aape 場地:AKVO Hotel

  方力申入行後做過很多慈善大使,07年隨「點滴是生命」到甘肅探訪,令他有好大衝擊,他說:「以前我日日練水,見到水都怕,但嗰次經歷先知原來有地方係咁乾旱,要行好遠去攞水,但啲水好似奶茶嘅色,好唔乾淨。」至去年該機構成立20周年,方力申便構思環島游籌款活動,他直言:「我29歲跑過一次馬拉松,如果39歲游到一個馬拉松都係體能嘅挑戰。」這半年他幾乎日日練水,每次練習由30分鐘至5個鐘不等。早前在海上練習時更游到嘔,他解釋:「游泳池同游海好唔同,游海會暈浪,海水污糟飲咗可能會病,裏面仲有嘢咬。」

  小方憶述將這項挑戰告知以前的隊友時,他們均稱:「唔好玩啦,嘥氣!」而父母亦很擔心,他坦言:「媽媽唔係好想我去做,畢竟我15年冇乜點游過水,而爸爸就想我完成,因為做到呢件事係幾威嘅。」方力申練多一個月就會減少練習儲體力,到時亦會採取留前鬥後的方法,他有策略地說:「頭20幾公里唔可以畀自己太攰,要分配好體力,喺我游咗3個鐘後,會有4位supporting嘅人輪住同我一齊游,因為我發覺我游水仲好勝,唔會輸畀隔離嗰個。」問到預計能否完成?他坦言:「唔知,但我唔會畀自己唔得,因為好多人捐咗錢,終極目標係要完成挑戰。」


hd