田蕊妮處女個唱飛走坤哥

  將舉行演唱會的田蕊妮昨日到電台接受森美訪問,阿田坦言為開騷緊張到健忘!前一晚更發惡夢,夢見上台後一片空白。她又說,屆時會與父親同台演出,父親卻比她輕鬆,「佢綵排嗰日同Band Leader講,綵排日把聲有痰狀態唔好,佢知我有食開聲丸,所以要求開騷嗰日,叫我畀兩粒佢食!」

  阿田又透露,個唱中會講及人生經歷,最怕在舞台上喊到失聲!提到好友吳業坤笑指阿田「有毛有翼」,不用他教彈結他,阿田笑說:「坤哥都冇教我,其實我已經唔需要佢,因為演唱會過長,只好忍痛取消咗兩個部份,其中一Part係Cut咗佢,真係一個沉重抉擇,都唔好意思叫佢嚟睇,如果大家因為有坤哥唔買飛,O依家可以買喇!」


hd