靚媽大廚出馬 陳倩揚超市照單買餸

  月中剛剛36歲生日嘅幸福人妻陳倩揚,現育有兩子一女,照顧家庭同時亦有繼續做主持等工作。出名係廚藝高手嘅佢,日前晚上獨自去銅鑼灣時代廣場超市買餸,見佢手上有張清單,寫好晒買乜嘢,所以快手揀完鮮肉、蔬果後,就大把時間替子女挑選健康零食。最後買多幾盒米漿和班㦸粉等才走人。 採訪 : 梁志明

  自細跟母親入廚嘅陳倩揚,煮得一手好菜,曾揚言「12個人來我家做節都無問題」。人妻間中亦會整便當、飯盒等o氹老公和小朋友開心,又認為跟小朋友一齊入廚,是好好嘅親子活動。早前,陳倩揚出席一個育兒活動作分享時透露早前替4歲二子陳羲穎進行基因測試,測試結果顯示羲穎對小麥、大麥敏感,令佢喺飲食方面要加倍小心。

  日前晚上7時許,化晒靚妝嘅陳倩揚似做完job後去時代廣場超市shopping。見佢推住架車仔在超市遊走,先快手揀咗一啲鮮肉、蔬果、雞蛋、火腿、牛奶等,之後專心揀窩夫和班㦸粉。見佢手上有張清單,揀完一樣就check吓張list,怕買漏嘢啩?!果然係精明主婦。最後輪到替小朋友揀零食,育有3個分別1歲至8歲嘅仔女,倩揚都想小寶寶食得健康,只見佢揀咗幾盒有機原味米漿,又掃幾包嬰兒餅仔畀一歲B女Aurella,大細都有得食,一啲都唔偏心。


hd