長野瘋狂浸溫泉 譚嘉儀讚D Cup周佩婷無得輸

  因為替TVB剛播畢的熱播劇《金宵大廈》翻唱陳百強的《今宵多珍重》,譚嘉儀人氣大增。之前她就同D cup索女周佩婷(Angel)到日本富山、長野及立山黑部拍《3日2夜》,由於以親親大自然為主,水上活動唔多,噴血泳衣欠奉,32C譚嘉儀喺鏡頭前只係展現24吋小蠻腰,至於Angel身穿側面穿窿的火紅一件頭泳衣,微露包唔晒的「事業線」,仍然養眼。採訪:方騫平

  《3日2夜》既有靚景,又有火辣身材靚女,周六推出的日本富山、長野篇輪到譚嘉儀及周佩婷showtime。譚嘉儀話此行主要係睇靚絕大自然景致,如立山黑部秋天山景及行壯觀堤霸等,不過兩人都有包住毛巾浸溫泉,反而着泳衣機會唔太多,最難忘都係着住潛水衣款泳衣玩Flyboard,她表示好好玩。

  對於無機會穿泳衣出鏡,譚嘉儀笑言可能監製怕佢着比堅尼會影響收視。「所以冇特別要求,只要大家舒服就得喇,今次冇機會着泳衣係小小可惜,我哋要玩反傳統咁先特別,今次同周佩婷好玩得埋,都希望再結伴。雖然浸溫泉時我哋冇玉帛相見,即使係包住毛巾都睇得出Angel身材好,又靚女,我呢啲梗係唔好出嚟獻醜,我負責玩㗎咋。」Angel就話唔介意喺節目中Show小小性感,想畀觀眾正面及健康開心形象,原來她除咗做藝人外,仲係言語治療師,幫小朋友、老人家解決溝通及吞嚥問題,她好希望兩份工作都得到發揮:「做多啲唔同種類節目,多發展才能,而唔係關注喺我身材方面。」


hd