IFC外望——呂志和自傳談奮鬥經歷

        由本地富商呂志和創辦嘅嘉華集團,今年踏入60周年,集團昨日就喺會展舉辦盛宴慶賀,同場正式發佈呂博士嘅自傳,全晚焦點就落喺呂博士同長子呂耀東(Francis)嘅真情剖白,父子二人透過新書發佈嘅機會,互相勉勵。昨日嘅盛宴冠蓋雲集,包括特首梁振英、政務司司長林鄭月娥同埋政協副主席董建華等都有嚟到賀,除左豐富佳餚同節目外,同場仲宣佈主人家呂博士嘅自傳正式面世,書中載有多張珍貴照片,內容主要講述呂博士嘅生平,如何由一名窮小子白手興家,建立千億元國企業嘅過程,仲提到呂博士近年喺澳門博彩業成功之道。

  呂博士表示,會將第一本嘅自傳送畀兒子Francis,希望佢知道爸爸嘅經歷後,能夠將當中嘅精神傳承下去。父子二人即時進行新書交接儀式,Francis接過爸爸嘅自傳後,就話希望爸爸可以繼續帶領集團,走過另外60年。

財爺會王光亞否認「見工」

  財政司司長曾俊華聯同財經事務及庫務局局長陳家強,以及金管局總裁陳德霖,到訪北京三日,會見財金部委及港澳辦主任王光亞。財爺一直被指是下屆特首選舉黑馬,他昨日總結行程時,多次被問到是否去北京「見工」。

  財爺話,今次見王光亞談的都是經濟金融方面的事情。有記者就追問,有無同王光亞談過接下來的特首選舉,他表現得不置可否,只係話︰「我地同王光亞主任談了很多事情,但是我不能說給你聽。」記者又追問,外界認為他到北京是去「見工」,佢自己又點睇呢?財爺就繼續笑住說:「我諗應該唔係,我已經有工做,多謝你。」

高瞻

hd