IFC外望——「三八」結合 支付超方便

  現時去商戶買嘢,好似超市咁,都經常見啲宣傳橫額鼓勵市民用手機支付,如Apple Pay、Samsung Pay、Android Pay,其實大家都成日機不離手,用手機支付確有方便的地方,但香港人用開八達通,所以唔少人始終都係慣性用八達通比錢。所以第日將手機支付與八達通結合,方便程度絕對是頂點,而呢個消息已傳了一段時間,噚日三星都喺佢哋的Note 8發佈會上露口風話,Samsung Pay將能與八達通結合;換句話,即係大家第日搭車,只要一部三星機在手,已可嘟機搭車,唔使再攞張八達通出嚟,諗到都覺得方便。八達通行政總裁張耀堂向本報一再證實呢個消息,仲話正積極籌備中,最快今年內推出,但佢未有評論日後會否與Apple Pay或Android Pay結合,總之第日會一次過公佈所有詳情。

十九大維穩至上 證券商老總禁放假

  相隔五年,中共十九大將於10月18日召開,北京、浙江、上海等地已動員各方力量,下達維穩「軍令狀」,確保會議順利進行。據稱,監管部門特別提醒金融機構的負責人留意市場各環節,不要讓市場出現意外。

  中證監本月再出聲,要求證券和期貨經營機構全面排查風險,為十九大召開營造正面氣氛,確保會議期間維護資本市場穩健運行。中證監還要求,各地證券期貨經營機構的主要負責人,在敏感時期,不得休假、出國、出差。

  據熟悉國情人士稱,以往重要政治會議期間也有類似的安排,只是這一次規限更嚴、時間也更長。

  即由十八大七中全會(最後一次全會,即10月11日)至十九大會議閉幕為止(官方公布的開幕時間為10月18日,以往的會議約一周),連證券公司老總都要隨時監測市場,減少市場波動。

  中證監要求證券和期貨經營機構排查流動性風險、財務風險、持續經營風險、信息系統安全風險、違約風險、信用風險等等,排查結果於10月前上報。

  好在國慶節長假就快來臨,在十月第一周,中國的金融市場將關閉,管理層好好休息一周以後,就要打醒精神,迎接十九大召開。

高瞻

hd