IFC外望——誠哥買Spotify勁賺 晤創辦人交流心得

  長和系前主席李嘉誠(圖右)一向投資科網股眼光獨到,在facebook投資賺到開巷已是佳話,但佢投資在瑞典串流音樂平台Spotify身上,其實都係勁賺之作。誠哥上星期剛退休,但遇到Spotify創辦人Daniel Ek(圖左)過境香港,當然一盡地主之誼,同呢位科網明星見見面,大家飲番杯,交流一下!

  Spotify四月初在美國上市,上市首日收市報132美元,現時股價已升至約160美元,市值超過2200億港元,在公司未上市前,誠哥已經講過投資Spotify賺超過100倍,咁現時所賺就真係唔講得笑!不過,誠哥在Spotify所賺,都係會投入基金會行善。

  串流音樂在年輕人市場好受歡迎,因為只要畀一個月月費,就可以無限收聽不同音樂及歌曲,哪管是陳年金曲還是最新流行樂隊,一樣可以聽到,想聽粵語歌、普通話歌、英語、日語、俄語、法語歌曲通通無問題,而且仲唔使自己諗點樣存放或分類歌曲,簡單易用。諴哥唔知鍾意聽那類歌曲?佢可能都係Spotify用戶!

捷榮夥麥當勞合作 免費派奶茶益街坊

  新股捷榮控股(2119)上周掛牌上市,招股期間有近四萬人認購,超額認購160倍,上市首日表現不俗每手賺780元,至今每手累計更賺1400元,都算對得住小股東。雖然不少投資者未獲分配股份,但捷榮都算識做,夾住麥當勞大派免費奶茶益香港市民,呢招都算窩心!

  捷榮今次首度聯同麥當勞,今日舉行首個「全港奶茶日」,在每間麥當勞餐廳免費派發一千杯熱港式奶茶。港式奶茶作為香港驕人非物質文化遺產,是港人生活中不可或缺一環,亦是來自世界各地旅客耳熟能詳。如果今早未能飲到免費奶茶唔緊要,因為明日及後日,市民亦可憑《頭條日報》派發的「港式奶茶免費換領劵」,到麥當勞餐廳免費換領,盡享港式奶茶好滋味。

  捷榮執行董事及首席營運官鄔錦安表示,捷榮扎根香港超過八十五年,為發揚港式奶茶不遺餘力,今次夥拍麥當勞推出全新港式奶茶,讓市民及旅客隨時隨地品味香滑奶茶,讓港人引以為榮的非物質文化遺產承傳下去。

高瞻

hd