中環IFC外望——Starbucks阿里合作 九月京滬送外賣

  Starbucks(星巴克)要攻陷中國市場喇,連外賣都撈埋,話要俾消費者隨時隨地都飲到Starbucks喎!不過就唔係自己送外賣,而係同電商巨頭阿里巴巴合作,有咗龐大嘅網絡,對拓展版圖、抗衡本土對手都應該有利。

  由九月中開始,外賣服務會喺北京同上海一啲旺區試行,預計到年尾可以覆蓋30個城市,超過2000間舖頭都有外賣服務,喺阿里旗下嘅平台落單又得,喺Starbucks個App落單又得,得咗!

  佢哋仲話,星巴克同餓了麼都係「精益求精,拒絕妥協」,喺每個細節都追求「極致創新」,所以係會有星巴克專屬外賣團隊為消費者服務,力求準時送到你手上之餘,仲感受到同門店一樣「高質」嘅體驗。另外,Starbucks仲會進駐盒馬鮮生,搞「外送星廚」,簡單講即係開外賣專門店,務求做到快靚正。

  尋日雙方宣佈達成全方位深度戰略合作,話明係全方位,除咗餓了麼同盒馬,喺淘寶、支付寶、天貓同口碑等多個渠道都會加強合作,繼續朝新零售方向進發。

李澤鉅坐正首放榜 稱長實仍是「父子檔」

  李澤鉅坐正為長實(1113)及長和(001)主席後,昨公佈首份業績,主席的話標題「優化資產,持續增值」,與今年二月時業績報告標題相同。李澤鉅在電話會議披露,長實手頭彈藥強勁,除了可以派多些股息,策略也處於舒服地帶,他升任主席不代表策略有改變,他笑說自己在公司多年,可以說是長實傢俬一部份,而集團管理運作大致仍然是父子檔般關係,只不過在不同時候彼此有不同的角色而已。

  長實出售中環中心之後,目前現金儲備十分充裕,負債比率低於2%。李澤鉅在業績報告主席的話指出,集團已具備有利條件繼續穩步邁向嶄新發展台階,對未來前景充滿信心,又向董事會同仁及各部門忠心員工貢獻表示謝意。長實多年傳統均以穩健發展為基調,為多元化業務奠下穩固經營及財務基礎以發揮最大發展潛力;將繼續審慎投資於可創造協同效益,並提供長期可靠溢利之環球優質資產,推動業務長期持續發展以為股東締造最佳回報。上述說法與上次業績報告的基調相同。

高瞻

hd