中環IFC外望——「微信囡囡」放山埃 慎防「中伏」

  細價股波幅大,好多散戶都鍾意用黎短炒,但亂聽消息就隨時成為大戶點心。最近香港股壇「微信囡囡」大行其道,有啲陌生美女亂加人哋微信,聲稱可以提供炒賣細價股貼士,有唔少股民因而「中伏」輸錢。

  不過「微信囡囡」呢招用耐咗,開始有人諗到反制方法,就係喺社交媒體開設專頁,搜羅網民收到嘅「微信囡囡」貼士,然後喺網上即時公佈。如果股民認為「微信囡囡」所講嘅都係山埃貼士,咁一見到呢類專頁公佈「實聽輸」名單,就唔買名單上嘅股份,咁就可以避開一劫。

  其實聽錯貼士買錯股,喺A股市場就更加嚴重。內地傳媒噚日就有篇偵查報道,話O依家好多「大師」透過直播或者即時通訊群組等渠道提供股票貼士,以賺取豐厚報酬。由於「大師」唔係公開放料,只係向少數特定對象畀貼士,因此更難偵查。好似江蘇有股民交咗八萬蚊人仔,加入一個叫做「牛股漲停」嘅群組,點知貼士唔對辦,股民抗議之後仲俾人踢出群組添。如果唔想破財,真係要緊記便宜莫貪嘞。

傳戴姆勒夥北汽 擬在華產電動車

  據外媒引述,德國汽車製造商戴姆勒正與北汽新能源電動車洽談,擬於中國成立一間新合資公司生產Smart電動車,以增加該品牌在中國銷售。

  該外媒稱,暫時尚不清楚戴姆勒打算持有合資公司的股權比重,該公司早前已持有3.93%北汽新能源電動汽車的股權。

  對此報道,戴姆勒發言人拒絕置評,惟表示,與北汽(1958)及北汽新能源的合作「進一步加深了其對中國客戶需求的理解,尤其是在新能源汽車領域」。北汽以及北汽新能源對此亦沒有立即置評。

  另外,另一內地汽車生產商吉利汽車(175)公佈今年首七個月銷售業績,期內實現總銷量88.7萬部,按年上升43%,達至全年銷售目標158萬部的56%。單計七月則錄得銷量12萬部汽車,按年增32%,惟較上月下跌6%,其中,中國市場的總銷量達11.8部,出口僅有約2500部,按年分別增長31%及146%。

高瞻

hd