中環IFC外望——沽空機構GMT請實習生

        喺一般散戶心目中,沽空機構好神秘,喺入面做嘢嘅都係世外高人。不過,O依家年輕人可能有機會近距離觀察沽空機構運作,事關其中一間近年崛起嘅沽空機構GMT Research,計劃喺香港聘請實習生。

  GMT Research透過佢哋嘅Twitter出廣告,話要喺香港辦事處聘請實習生,為期兩至四個星期,主要工作係跟進一個會計詐騙個案,但實習生就毋須有會計知識。至於人工、工作時間等細節就冇詳細講,似乎要同應徵者面議。

  沽空機構遍地開花,GMT Research都算係比較活躍嘅一間,近期代表作就係上個月喺Twitter唱淡藍籌股舜宇光學(2382),令舜宇股價一度急挫。不過,當時GMT Research並唔係正式出報告狙擊舜宇,只係喺Twitter負評咗幾句。至於較為詳盡嘅沽空報告,就包括今年六月質疑多隻內地體育用品股,以及去年攻擊國藥(1099)等。O依家GMT Research要請人,似乎又有新嘅狙擊動作。

CurrencyFair 1.82億購康宏支付

  「謎網股」康宏環球(1019)旗下康宏支付(Convoy Payments),獲愛爾蘭貨幣交易平台CurrencyFair斥資2000萬歐羅(約1.82億港元)收購。外電引述CurrencyFair行政總裁Paul Byrne表示,收購將加快該集團打入亞洲巿場步伐,下一階段計劃推出人民幣兌換服務。

   Paul Byrne指出,亞洲使用的各種貨幣較歐洲更具吸引力,預計在2026年亞洲區匯款巿場將佔全球33%,認為香港是打入亞洲市場理想跳板;他亦提到,康宏支付在美國及加拿大均有客戶群,將有助開拓美國市場。

        CurrencyFair於2010年創立,總部位於愛爾蘭都柏林。該公司指,作為投資計劃一部份,計劃在未來18個月創造90個職位,主要包括產品研發、客戶服務、合規、市場營銷和環球夥伴關係等職位。

高瞻

hd