中環IFC外望——鄭發做埋KOL 狠評港鐵事件

  潮流興寫網誌,連監管機構前高層都唔例外。啱啱喺今年六月離任嘅金管局前任助理總裁(貨幣管理)鄭發,搖身一變成為KOL,網誌名為「貼地風管」,頭炮就係講轟動全城嘅港鐵事件。

  鄭發以前喺金管局做高層,對金融市場運作自然夠晒熟悉,但點解可以「撈過界」,連工程都評論埋?事關好多嘢都係一理通、百理明,鄭發喺網誌就話,「所有官員和企業管理人員,其身價就是他們識別風險的能力」,「如果賣投資產品都要錄音,為何牽涉重要安全的工序不需要錄影」?「如果董事局只是被動的等管理層匯報,不上報你就可以懵盛盛,這團隊值多少錢」?

  自從港鐵事件曝光後,各方面嘅批評如雪片飛來,不過鄭發做過監管機構高層,由佢講大企業嘅管理同風險控制問題,自然比坊間評論「入肉」得多。鄭發早年喺港大讀經濟,喺1996年加入金管局出任見習經理,曾經任職金管局銀行監理部同埋貨幣市場運作部,可以話係科班出身,O依家仲做埋KOL,真係夠晒多才多藝。

傳騰訊35億入股絕地求生開發商

  根據外媒引述消息報道,騰訊(700)同意斥資約5000億韓圜(約35億港元),收購《絕地求生》(PUBG)遊戲開發商Bluehole約8.5%股權,連同早前收購的1.5%股權,持股增至10%,成為Bluehole的第二大股東。

  報道又指出,每股收購價為65萬韓圜,即相當於大約4560港元,騰訊於今日會與創投基金公司簽約。於交易完成後,騰訊將持有Bluehole 10%股權。另外,Bluehole計劃透過出售現有股份或以發行新股,引入其他投資者。

  另外,有內媒引述騰訊內部相關人士指,目前未有消息流出,當中是否有其他投資者參與收購Bluehole,騰訊一方就表示不知情。

高瞻

hd