中環IFC外望——李兆峰高調回歸 破產受託人開腔

  上一輩股民對「李兆峰」(圖右)呢個名,應該唔會感到陌生。佢係前上市公司兆峰陶瓷主席,公司市值曾經高達50億元,李兆峰身家都一度暴漲至35億元。但係1997年一場金融風暴,令兆峰陶瓷資金鏈斷裂,李兆峰亦都走上破產之路,佢喺2001年遭頒下破產令,而破產期已經喺2008年屆滿。

  現年60歲李兆峰已東山再起,係德國上市公司ROY Ceramics SE主席兼行政總裁。今年佢多次接受傳媒訪問,大談佢喺美國發展房地產業務嘅計劃。

  但係,近日佢嘅破產資產受託人信永中和(ShineWing)向傳媒發電郵,內容提到李兆峰高調接受新聞採訪,談及其事業及各種投資機會。

強調繼續資產調查

  受託人話,根據破產條例,喺破產人解除破產後,受託人職能仍然存在、有關破產管理規定仍然有效,破產人仍有法律義務,向受託人提供相關資料。目前公司正向李兆峰同埋家人查詢相關事宜,強調受託人對李兆峰嘅資產調查仍然繼續喎。

迎合防沉迷政策 騰訊引健康系統

  內地官媒多次就青少年沉迷網遊的問題發文,曾提到遊戲公司須有企業責任,上周《人民日報》突然轉調,指網遊並非天生就是洪水猛獸,其危害在於「沉迷」。騰訊(700)旗下《王者榮耀》健康系統早前啟動升級,該公司昨日指即將完成全體用戶強制公安實名校驗,連同《王者榮耀》,年內將有10款遊戲完成健康系統接入及啟用,未來覆蓋範圍擴至在全線遊戲產品。

  遊戲啟用健康系統,即代表其用戶帳號會接受強制公安實名校驗,以確認身份,校驗通過後,確認為未成年人帳號,就會納入健康系統,啟動防止沉迷措施。

  12歲以下每日限玩一小時,每晚九時至翌日早上八時禁玩,12歲以上未成年人每日限玩兩小時,時限一到即強制登出,而未通過校驗的帳號就禁止登錄。

高瞻

hd