中環IFC外望——雷軍自爆唔贊成小米上市

        小米集團(1810)今年七月初喺香港上市,但原來董事長雷軍(見圖)當時無投票贊成上市,咁係邊個咁大膽揸主意呢?

  噚日雷軍喺烏鎮出席世界互聯網大會時接受訪問,話自己當日冇投贊成票,佢覺得今年上市都可以,但醞釀多兩至三年先上市會更好。不過,佢補充話小米已經創立八年,今年都係一個上市時間,而上市係一個集體決定。

  雷軍話,舊年年底董事作出評估,覺得小米到咗IPO規模同時間點,管理層開會研究後,絕大多數支持上市,而自己同另外一兩個管理層冇投贊成票,包括小米聯合創辦人、高級副總裁王川。他覺得,「上市永遠沒有最好的時間點。大家討論和投票決定在這個時間上,我沒有明確反對,但是既然大家都支持我就棄權。」

  對於小米未來佈局,雷軍喺大會上指有兩方面,一係品質同用戶體驗,強調中國製造要贏在品質、用戶體驗同設計;二係國際化,目前小米已經進入咗80個國家,在25個國家排前五位,希望未來可晉身三甲之內。

趕走出納阻審查 恒大反告賈躍亭

  恒大健康(708)與法拉第未來(Faraday Future,下稱FF)爭拗有新進展。恒大健康公佈,旗下時穎對賈躍亭和合資公司Smart King提出仲裁全面反訴,要求賈躍亭和合資公司履行合約。

   該公司通告指,賈躍亭和合資公司強行趕走時穎委派的出納員、強行阻止時穎財務人員進場進行財務審查,造成時穎無法知悉合資公司的財務狀況。按照股東協議,時穎有權進行財務審查,並向合資公司委派出納員,同時約定如果出納員七日不簽字,即視為同意付款。

  同時,因合資公司拒絕提供財務資料及相關文件,時穎委任的合資公司的董事,向開曼群島大法院提出訴訟,要求法院命令合資公司提供所有財務資料及相關文件。

高瞻

hd