中環IFC外望——女股神再「發功」 準備入市撈騰訊

  今年4月騰訊(700)開始由高位回落,股價逼近400蚊嗰陣,有「女股神」之稱嘅西京投資主席劉央曾經高調唱好,並用六億元大手掃貨,仲話兩年內股價可以升到1000蚊!

  事隔半年,騰訊股價唔多對路,低見251.4元,近排雖然反彈番300蚊樓上,但同1000蚊嘅四位數字目標價仍十分遙遠。不過,劉央喺接受外電訪問時,仲十分睇好騰訊,話隨時入市撈貨,果然有「女股神」霸氣。

  劉央承認,騰訊早排跌到200幾蚊,令佢心都碎埋,但佢相信股價已經見底。佢又話,仍然相信騰訊係一間優良企業,短期股價走勢雖然受外圍氣氛同市場情緒影響,但業績仲有理想增長。劉央又話,騰訊O依家只靠遊戲收入,而且做埋消費同數據業務,騰訊唔單止係社交平台巨人,仲會喺數碼市場大展拳腳。

  騰訊噚日收市報312元,跌唔夠1%,究竟騰訊可唔可以再次起飛呢?相信好多騰訊小股東,都希望劉央今次講得中啦。

中銀夥港航合推VISA卡

  中銀香港(2388)宣佈與香港航空合推中銀香港航空Visa卡,客戶憑卡於海外或網上簽帳,可享低至每3元兌換1金鵬俱樂部積分(FWC)積分,以換取機票。中銀信用卡(國際)業務策劃及推廣助理總經理羅芝英預期,該聯營卡的一年發卡量將達數萬張。她又指,雖然近期股樓皆跌影響消費意欲,但料中銀信用卡全年的簽帳額可保持雙位數增長。

    羅芝英表示,今年首10個月中銀信用卡的簽帳額按年錄得雙位數增長,料全年簽帳額將保持雙位數升幅。明年中銀將推出更多民生及旅遊相關優惠,預計明年中銀信用卡的簽帳額將穩定有雙位數增長。

  中銀及香港航空新推中銀香港航空Visa卡,除低至3元換取1FWC積分外,亦有連串優惠,包括中銀綜合理財客戶凡申請該聯營卡,並以新資金開立港幣或美元定期存款,可獲贈高達34.5萬FWC積分;凡經電子平台申請該卡並於發卡後兩個月內簽帳指定金額,則可額外獲贈最高1.5萬FWC積分,合計高達36萬FWC積分,可換取8張來回日本的香港航空商務艙獎勵機票。中銀香港副總裁龔楊恩慈說,香港人熱愛旅遊,中銀信用卡海外簽帳額持續錄得雙位數的增長,其中年輕客戶的海外簽帳額今年以來更增加超過23%。

高瞻

hd