中環IFC外望——維港投資加碼注資N26虛銀

  最近香港流行講虛擬銀行,不少機構都摩拳擦掌,諗住拎番個牌。虛擬銀行喺外國亦大行其道,首富李嘉誠旗下嘅維港投資,就不斷注資喺一間叫「N26」嘅歐洲虛擬銀行身上。

  N26啱啱進行嘅D輪融資,籌集咗3億美元(約23.5億港元)資金,係近幾年歐洲最大嘅金融科技集資活動,而維港投資都有參與。按照D輪融資嘅作價,N26最新估值高達27億美元(約211.7億港元)。

  不過,維港投資並唔係今時今日先投資N26,喺2016年嘅B輪融資,維港投資都有參與,當時更係牽頭投資者。

  究竟N26有咩咁巴閉?N26其實係一間服務普通存戶,可以用手機操作戶口嘅全球跨境虛擬銀行。存戶只需要幾分鐘時間,就可以開設戶口。同其他由現有金融機構分拆出嚟嘅虛擬銀行唔同,N26可以話係由零開始,但喺使用體驗等各方面,獲得唔少用戶好評。O依家N26喺歐洲24個國家已有230萬名客戶,仲計劃緊拓展美國市場。

HMV尋找白武士 上市公司願接手

  本港連鎖唱片店HMV上月宣佈資不抵債,申請自動清盤,委任泓信會計師行黃新強、徐美玉擔任臨時清盤人。昨日舉行債權人會議後,決定續聘兩人為正式清盤人。

  黃新強稱,首要任務是為HMV尋找白武士,此前已獲不少投資者表示興趣,指潛在買家相當具知名度,甚至包括上市公司。不過,黃新強未獲正式委任為清盤人前,無權為HMV招攬白武士,故現在才開始商討。

  他認為,HMV能度過財困機會不低,「若債權人肯接受較寬鬆的haircut(債務扣減)比率。與其(現在)收得少,倒不如給HMV翻生機會,收回五成、六成欠債,對他(債權人)一定較為有利。」

  黃新強續稱,現時與監察委員會及債權人緊密溝通如何處理清盤事宜,在此期間HMV全數分店會繼續停業,「很大機會一個不留」,除非短期內HMV能找到白武士,否則他會盡快將分店所在物業交還業主。

高瞻

hd