中環IFC外望——A股公司蝕錢 餓死豬提「肉償」

  上市公司業績欠佳,受苦嘅通常只係小股東,最多只會連累埋債權銀行。不過,喺內地股市就出現因為公司業績欠佳而「餓死豬」嘅慘劇,喺豬年嚟之前出現啲咁嘅事件,真係大吉利是。

  話說A股上市公司雛鷹農牧(002477.SZ)發盈警,預計虧損29至33億元人民幣。蝕錢事少,該公司喺通告入面講明,由於資金緊張,令到飼料供應唔及時,導致公司養殖嘅生豬死亡率高過預期。諗起豬仔無嘢食餓到瞓低,真係覺得相當慘情。

  出現咁嚴重嘅壞消息,股價當然冇運行,噚日仲一度接近跌停板,收市跌近7%。

  其實雛鷹農牧一早已現出現問題,喺舊年11月,該公司仲提出過債務「肉償」方案,令市場震驚。

  嗰時公司發出通告,話為咗解決2.71億元人民幣債務,提出用公司生產嘅火腿、生態肉禮盒等用嚟償付本金同利息,但就尚未進行交收。對於雛鷹農牧嘅債主嚟講,點樣處理數以億元的嘅火腿、生態肉禮盒,都係一個頭痛問題。

廣汽夥騰訊設移動出行平台

  廣汽集團(2238)公佈,旗下中隆投資擬與騰訊(700),以及廣州公交集團,和其他投資者共同設立移動出行項目平台公司,涉及投資總額10億元(人民幣,下同)。

  中隆投資、騰訊及廣州公交集團,分別持股35%、25%及10%,其他投資者合計持股20%,另外預留10%股權用於員工股權激勵。

  另外,旗下廣汽商貿擬與廣州公交集團,以及移動出行項目平台公司,按照45%、45%及10%的持股比例,共同出資設立汽車服務公司,涉及投資總額5.2億元。

高瞻

hd