中環IFC外望——碼頭聯盟被疑壟斷 九倉:旨在提升實力

        九龍倉集團(004)旗下的現代貨箱碼頭(MLT)、長和系旗下香港國際貨櫃碼頭(HIT)及中遠海運港口(1199)早前宣佈組成「香港海港聯盟」,由於相關四家貨櫃碼頭公司共同營運葵青貨櫃碼頭超過95%泊位,或涉壟斷,香港競爭事務委員會已就事件立案調查。九倉主席兼常務董事吳天海稱,組聯盟有助提升貨櫃碼頭的競爭力,期望「由鄰近碼頭搶回貨運量」,否則碼頭工人無工開。

        吳天海提到,近年本港貨櫃碼頭失優勢,現時香港面對區內及全球競爭,故多家公司組成聯盟,冀藉聯運安排提升競爭力。該公司有向客戶(船公司)了解,客戶表示歡迎做法,因有助節省轉運貨物的成本及時間等。

        此外,他指去年已與競委會接觸,向其解釋組成聯盟的動機,又舉例以往曾有船公司想組聯盟,向競委會申請豁免並獲批,組聯盟為大趨勢,希望競委會理解。

七成港女交財政大權畀老公

  今日係三八婦女節,在此先向一眾女讀者致敬。香港雖然係先進社會,中西文化匯聚,好多人認為香港女權情況唔錯,但原嚟超過七成嘅本地家庭,長遠財務規劃仍然操控喺男士手中,女性喺財政規劃嘅當家作主比例,比起國際水平仲要低!

  瑞銀噚日公佈一項針對女性投資者嘅研究,結果顯示,全球只有23%受訪女性話,自己主導長遠財務規劃,例如投資及保險等,但香港喺這方面表現更差,只有20%受訪者表示由自己主導。

  報告仲話,71%香港女性將長遠財務決策交畀配偶,高過全球嘅58%。而喺20至34歲嘅千禧世代中,65%香港女性將財務決定交與配偶,同樣比起全球平均59%為高。

高瞻

hd