中環IFC外望——鼎益豐禍不單行 靠道士老闆打救?

  英文有句諺語叫"what goes up must come down",中文都有句傳神俗語叫「有咁耐風流,就……」,股壇亦成日見「花無百日紅」。好似之前炒到上天咁高嘅股壇神仙股鼎益豐(612),近期運數開始轉差,不但畀證監勒令停牌,仲畀恒指公司踢出一系列指數。

  話佢運數轉差,其實都好配合公司背景,因為公司主席隋廣義(見圖),據講係一名道士,由道士做到公司主席,令鼎益豐增添唔少神秘色彩。不過叫佢做神仙股,並唔係因為道士老闆,而係間公司炒得好勁,股價廿幾蚊,但資產淨值唔夠三毫子,而且本身冇業務,只靠投資其他上市公司賺錢。更令人矚目嘅係,公司早前因為被納入恒生中型指數,連北水都可以買,令人質疑會唔會搞到內地同胞都中伏。

  可惜公司運數開始轉差,上周先畀證監勒令停牌,命運係點都仲未知,話口未完又畀恒指服務公司將佢踢出一系列指數。且看今次公司道士老闆,有冇符可以回天?

八達通夥Mastercard推虛擬卡

  八達通夥拍Mastercard,推出虛擬白金預付卡O!ePay Mastercard,用戶登記O!ePay帳戶後,毋須額外證明文件,便可開通該虛擬預付卡。目前O!ePay Mastercard只可用作網上購物付款,不能在實體店作支付。八達通行政總裁張耀堂表示,虛擬預付卡主打年輕網購客群,但日後要再打通實體支付相信「無難度」。

        用戶可以通過O!ePay帳戶、「轉數快」或在7-11便利店,以現金為虛擬預付卡增值。消費上限依O!ePay用戶等級,每年由8000元至100萬元不等。O!ePay Mastercard不設年費,為推廣在今年6月底前使用,該虛擬白金預付卡消費滿200元,可獲50元回贈,只限首二萬名客戶。

高瞻

hd