中環IFC外望——萬科:暫無意分拆物管上市

          近年唔少內房股分拆物業管理業務上市,即係大家所稱嘅「物管股」。由於物管股業務相對穩定,加上母公司又積極起樓的話,前景應該都幾亮麗,屬於攻守兼備股份,所以有價有市。外電噚日便引述知情人士話,內房龍頭之一嘅萬科(2202),都考慮緊分拆物業管理業務喺香港上市。不過萬科回應話,公司目前冇上市計劃。

  外電報道指,萬科同可能聘用嘅顧問,討論分拆旗下物管業務「萬科物業」上市,或會喺明年成事,集資規模可能高達10億美元(約78.5億港元)。知情人士仲話,現時仍處於初期階段,集資額和時間表等細節都可能有變。

  不過,內地媒體引述萬科相關人士話,外電報道冇萬科物業回應,目前都冇上市計劃。據中新網報道話,萬科主席郁亮喺舊年12月中旬舉行嘅媒體交流會上,針對萬科物業有冇上市規劃嘅提問時表示,物業板塊未來有潛力達到千億市值,希望具備相應實力和技術之後,先考慮上市問題。換言之即係養肥咗先上市,睇嚟萬科都唔係好心急喎。

亞視斥6750萬投資電影

  亞洲電視控股(707)公佈,投資6750萬元在一部名為《征途》的電影,將透過向星皓影業發行代價股份支付,收購完成後將有權分享該電影總淨收入的15%。

  代價股份將按每股0.25元,發行2.7億股;配售股份佔擴大後已發行股本約3.69%,每股發行價較昨日收報0.222元,溢價12.61%。

  《征途》是一套中國動作奇幻電影,拍攝已經完成,預計將於今年底發行。初始投資總成本約2.35億元人民幣。

高瞻

hd