中環IFC外望——數碼通推「親子Plan」遙距監護

  網上世界多姿多采,家長都好關注小朋友上網習慣,用於學習當然係好事,但亦有機會接觸到「兒童不宜」嘅網站。考慮到家長憂慮,數碼通(315)嘅全家享計劃新增「智Smart親子之選」,提供諾頓家長防護網用作過濾網站內容及影片,家長更可透過手機應用程式,遙距控制子女手機係咪可以上網同上網時間,掌握子女使用手機情況。

  SmarTone市務及銷售主管林寶彤直言,自己亦有三個小朋友,發現好多家長同佢一樣,返工時間未必可以睇住子女上網,但又驚佢哋上不當網站,結合好多家長意見同調查,所以就推出呢個新計劃啦。

  佢又話,數據分配功能可以畀家長輕鬆管理子女上網,如果小朋友做完功課,家長可以透過SmarTone CARE手機應用程式,遙距開啟子女手機嘅上網功能,令各位家長,尤其係在職家長更加安心。

亞馬遜否認退出中國市場

  據內地傳媒報道,亞馬遜(Amazon)內部人士否認,公司僅保留部份業務,並把大部份業務撤出中國。該內部人士強調,亞馬遜是一個龐大和擁有眾多業務的公司,相關業務在中國發展良好,不可能退出中國這個龐大市場。

  早前有消息指,亞馬遜將於本周宣佈撤出中國內地市場,僅保留電子書、跨境貿易及雲業務為主的業務。

高瞻

hd