中環IFC外望——屈臣氏會員卡世界通行

  最近屈臣氏會員計劃邁向國際化,未來大灣區將會成為全球首個Watsons One Pass©通用地區。真係一卡在手,全球消費積分通行。

率先喺大灣區試行

        隨大灣區建設逐步完善,大灣區旅客往來頻繁,Watsons One Pass© 將會率先喺大灣區超過660間屈臣氏店舖試行。屈臣氏集團喺大灣區11個城市都設有零售店,將會喺稍後時間邁向「國際化」,登陸其他亞洲市場,包括新加坡、馬來西亞、泰國、台灣同印尼,令更多會員享受優越服務。

  屈臣氏集團首席營運總監倪文玲話,好期待大灣區為屈臣氏集團帶來嘅新機遇,而大部份會員都經常外遊。屈臣氏喺好多旅遊熱點都設有店舖,倪文玲指顧客表示,樂於喺海外屈臣氏消費,因此決定將會員計劃國際化,讓顧客能夠一卡通用,跨境使用會員卡,盡享精采優惠同禮遇。

十億賭約 唔駛小米股東「埋單」

  小米(1810)昨日舉行股東大會,會上有有小股東打趣問,早前小米創辦人雷軍同格力總裁董明珠賭局輸咗10億元人民幣,會唔會要求股東「埋單」,小米首席財務官周受資就話賭局與公司無關,公司對格力非常尊重,有很多地方值得學習。

  所謂十億元賭約,係雷軍同格力總裁董明珠喺電視節目下嘅賭注,打賭小米5年內銷售額可唔可以超過格力電器,賭資升級至10億元。當時小米營收316億元,格力已經突破1000億元。到今年3月時小米發佈業績,銷售額為1750億元,比格力預計營收2000億元為少,小米最終落敗。

  另外,對於去年雷軍拿取6.4億B股權獎勵,年薪過百億元,有股東質疑攤薄利益。周受資回應話獎勵係上市前經股東會同意,唔會影響到上市後股東權益。

  5G發展方面,管理層表示會持續投入資源發展5G業務,好似早前推出第一部5G手機,新產品喺3月時在巴塞隆拿公開發佈,在部份歐洲地區已可以使用該手機,體驗高速5G網絡。管理層續稱,除手機業務外,未來亦會在各領域加大5G網絡的投入,亦會增加對AIoT(人工智慧結合物聯網)部署。會後有市民接受訪問話,讚揚小米公司產品價格厚道同優質,表示持股後沒有售出過。

高瞻

hd