中環IFC外望——渣打「集氣」撐利記奪冠

  今屆歐聯由兩支英超隊利物浦同熱刺對壘,唔止兩隊球迷緊張,就連渣打(2888)員工都好緊張!事關渣打係利物浦主要贊助商,名字仲印喺球隊球衣前面,如果紅軍捧盃,相信對渣打都係一大樂事。渣打為咗「集氣」,特別開放全新共享空間「Pop-Up」,等員工一齊觀看電視直播,結果利物浦不負眾望,以2比0勝出捧盃,仲返到利物浦市舉行勝利大巡遊,有成70萬人圍觀共慶!

  「Pop-Up」係渣打香港為員工最新而設的共享空間,佔地有成7000方呎,由今年四月底開始啟用,當中除咗設有咖啡店提供早午餐同共享工作間外,仲設有具備按摩椅嘅休息室、支持在職母親嘅集乳室、尊重宗教需要嘅祈禱室,以及自助電子設備販賣機同IT服務支援站等。

  渣打香港還會喺「Pop-Up」為員工舉辦不同活動,例如業界研討會、客戶活動、講座、興趣班及聯誼活動等,包括今次畀100名員工同親友,一邊享用場內免費提供嘅小食同飲品,一邊透過大電視觀賞歐聯決賽。

羅旭瑞:羅老太敗訴感失望

        鷹君(041)創辦人羅鷹石遺孀羅杜莉君(羅老太),控告家族信託公司滙豐案,高等法院法官上月頒下書面裁決,裁定羅老太一方敗訴。身為羅氏家族二子羅旭瑞表示,羅老太對於判決結果很失望,她過往為家族付出很多,一直希望能為集團做一件大事。

        他隨後稱,羅老太思維清晰,律師團隊正在研究案情,現在法律程序未完,但他表示希望此事能夠和氣解決。提及律師費,羅旭瑞表示不方便透露。不過他表示,是一個不小的數額。

高瞻

hd