中環IFC外望——吳天海 : 商場內人士安全至上

  九倉置業(1997)旗下海港城張貼告示「除非有罪案發生,警察請勿進入」後,網民取消「和理遊海港城」施壓行動。

  九倉置業主席吳天海表示,海港城及時代廣場張貼有關通告,只出於一個基本考慮,是完全為了場內所有人士,包括顧客及工作人員的安全,而作出這個通告。

  他稱,「我哋見到有啲地方……有啲事發生,我哋覺得為咗保障嚟得我哋地方嘅人,就係我哋嘅客人或者工作人員,我哋係要對佢哋嘅安全負責。所有其他嘅嘢一概係依據法律嚟到做,絕對唔係我哋自己創新嘅嘢。」

中移動送「攻擊性武器」?

  流動網絡商中移動昨日舉行業績發佈會,公佈盈利情況之餘,仲大談未來5G投資大計。不過會上派發的紀念品就即場令記者咋舌,因為懷疑係「攻擊性武器」!當然,公司唔係派刀派劍,原來係派一支鐳射筆!

  鐳射筆突然成為城中熱話,皆因浸大學生會會長被指買入十支鐳射筆「警方指為鐳射槍」而被捕,令鐳射筆是否攻擊性武器受人關注。當然,中移動不是為今次事件而派鐳射筆,過往亦派過同款鐳射筆,可見係公司存貨用來作紀念品,只是今次時間巧合而惹起關注。

  究竟「攻擊性武器」怎定義?原來法例當初係有四項定義,包括「製造以用作傷害他人的物品」、「改裝以用作傷害他人的物品」、「適合用作傷害他人的物品」及「管有人意圖用作傷害他人的物品」。不過多年前上訴庭法官包致金裁定當中的「適合用作傷害他人的物品」定義太寬,違反人權法,應予廢除,即係近日好多人擔心雞蛋、雨傘甚至豆腐一樣可以用來傷人,係咪「攻擊性武器」嘅擔憂,可以消除,因為單憑「適合用作傷害他人的物品」應該係告唔入嘅!所以,中移動可以放心,佢係無派發「攻擊性武器」嘅!

高瞻

hd