亞洲金融論壇下月照開

  香港示威活動持續半年,大量商鋪被破壞,周六、周日經常有「催淚彈放題」,嚴重打擊零售,甚至一些體育、商業宣傳活動都怕怕而被迫取消。

  不過,一年一度的香港財金盛事亞洲金融論壇,就鐵定在明年1月13至14日舉行,昨日更由今屆籌劃委員會主席、渣打銀行香港執行董事兼行政總裁禢惠儀,及貿發局副總裁劉會平齊齊招待傳媒界講解盛事主題及安排。韋琪好奇問,點解佢哋仲咁有信心搞咁大型活動,怕唔怕示威者到時搞事,甚至幫會場「裝修」?

        禢惠儀話呢個論壇今年已係第13屆,過往好成功,亦成為香港年度財金盛事,可以被稱為「香港達沃斯」,所以就算香港環境如何,都要堅持搞。劉會平就話其實近期貿發局好多會議及展覽都係照常舉辦,亦無出過事。

  大家都認為昨日市民大型示威後無出現重大衝突,希望風潮漸過,令香港財金活動回復正常。


hd