中環IFC外望——富衛扣稅年金 最快八年回本

  富衛保險推出可扣稅合資格延期年金計劃——「年月逸延期年金計畫」,保費供款期為5年,收取年金期10年,保證內部回報率0.62%,預期總內部回報率2.17%,最快第8年回本。

  根據該年金計劃,每年所需保費至少4800美元;被保人年齡須為19至61歲,如被保人在46歲前投保,可於51歲開始收取年金10年;如在46歲或之後投保,則可於5年保費供款期結束後開始收取年金;預期總回本期為8年,保證回本期則為9年。推廣期內設有首年保費折扣優惠介乎6%至8%。

  富衛香港及澳門首席精算師余栢堅表示,該年金計劃已於10月推出,是參考了市場同類年金產品而設計,令該計畫更具靈活性,以切合對流動性需求較高或可能計劃提早退休人士的需要。

  他指該年金計劃銷售不足兩個月,已帶動富衛今年來整體年金產品保費較去年同期上升50%。

領展教商戶三P 激勵抗逆境

  最近香港零售市道慘不忍睹,做生意心態差啲都未必應付得嚟。領展最近舉辦「領展商戶學堂」,今次分享以AQ擁抱挑戰,教旗下商戶企穩陣腳。

  所謂AQ即係逆境商數,領展一如以往搵嚟星級嘉賓傳授心得,今次講者就係稻香同翠華前高層鄭柏禮。雖然佢三年前因為青光眼完全失明,但係未放棄工作,憑藉超過20年經驗,分析而家零售同飲食業面對嘅挑戰,而且化為機遇。佢仲教大家三個自我激勵秘訣,就係「我可以(Possible)」、「而家係最好時刻(Positive)」同埋「一切由可控出發(Practical)」。

  同場嘅「麥包」麥長青都做過餐飲、精品等生意,用演員「花無百日紅」嘅睇法教大家時常調整心態,仲講明應該要有學習心、平常心同感恩心,就可以自我激勵。相信兩個星級嘉賓嘅分享,令到商戶都有唔少得着。

  領展商戶學堂已經成立11年,開過92場講座,領展同商戶本來就互相依賴,商戶成功增值,對佢哋生意都有幫助。

高瞻


hd