Advertisement

風筒吹死狗女 寵物美容師捱轟

  狗女生日變生忌!網民Linda Ho日前在社交平台facebook發帖稱,趁其狗女「檬妹」(見圖)上周三生日,帶牠到將軍澳一間寵物美容店沖涼剪毛「扮靚」,檬妹被放在籠中以風筒吹毛期間,突然抽筋需即時送院,狗主指當時檬妹「身發滾,個肚起曬斑」,經搶救後不治。獸醫其後指是中暑身體過熱的徵狀,質疑是寵物店職員人為疏忽所致。

  Linda日前將事件放上fb群組「動物村村公所」,指當日帶檬妹到該店「扮靚」期間,突然接到電話指檬妹抽筋正送往醫院,當她趕至時獸醫稱「佢(檬妹)已經走咗」,她又引述該店美容師稱事發時「佢(美容師)放咗檬妹係籠到吹毛,佢去咗買飯返舖頭食」、「佢話有keep住望下佢,點知佢再望就出事」,狗主質疑是該店職員人為疏忽所致,並鬧爆:「你試下放你個女入籠用風筒吹佢十分鐘睇下佢熟唔熟呀,有冇腦架?」  帖文一出引來網民圍插該店,大鬧其做法離譜,涉事寵物店郭姓女職員回覆指確有其事,僅稱其老闆正在處理當中。

hd