Advertisement

教人扮傷殘博同情 「呃公屋黨」開班傳授上樓捷徑

        樓市發燒,租公屋亦大排長龍,一屋難求下,一個名叫「公屋自強協會」的組織,近日在通訊群組廣發帖文,聲稱開班傳授上樓捷徑。《東周刊》偵查發現,協會除教人扮傷殘博同情等「屎橋」外,更推介一個在內地以傳銷方式營運的網上商城,慫恿心急輪候公屋人士將超額積蓄轉移到該商城的帳戶,企圖逃避資產審查。

        「如何變擠逼戶,可以細屋搬大屋?如何符合公屋資格,但亦可以增加收入?」這則由「公屋自強協會」發出的短訊,近日在多個WhatsApp群組瘋傳,聲稱每人只需付一百五十元堂費,即可參加聚會,教授上樓秘笈成為「公屋達人」。

  《東周刊》記者報名放蛇發現,協會租用油麻地一幢舊式大廈的工作坊舉行聚會,門外並無協會水牌,連同記者有近十人出席,從衣着打扮推測,出席人士以基層以主。一名自稱阿Man的講師傳授一些似是而非的「上樓大法」,例如教人扮傷殘,「有個朋友平日都係拐下拐下,但一到要見房署,佢就坐輪椅!佢原本四個人住,有一個成員搬走咗,房署叫佢搬細單位。但輪椅人士需要更大居住空間,可以雙計,咁就扮跛唔使搬!」

  阿Man再教在場人士向房署訛稱子女患過度活躍症或亞氏保加症,住戶人數同樣獲雙計,「唔使正式醫學報告,只要同醫生講個仔成日無時停、彈上嚟跳下跳下,想排期攞藥食,醫生就會畀張紙(轉介信)你排期睇病,排期紙已當係證明。如果一家四口,兩個仔女有病,就可以住六人單位。」

  阿Man講足二十分鐘後,話題一轉:「有無見過公屋戶揸跑車出入?好多人都將啲錢拎返大陸,有些人平時住大陸,香港公屋當度假屋住,呢條橋一定得!」阿Man得戚地說:「不如加入內地『雲集品』商城做老闆,商城用大陸戶口『過數』及出花紅,增加收入之餘,房署又查唔到境外資產,唔使交富戶雙倍租。」根據介紹,「雲集品」是一個位於深圳的購物網站,售賣家庭用品、潮流服飾等。

  對於有組織借上樓發財,公屋聯會主席文裕明大表震驚,認為公屋申請大排長龍,有人趁機傳授旁門左道的上樓大法掠水,影響真正需要上樓的基層人士。

hd