街頭藝戰士——街唱「北斗星」 棄專業尋夢

        「唔係試吓,而係想用盡所有可能,努力去做。」中文大學社工系畢業生謝雅兒堅定地說,她不做北斗星,決心在流行樂壇發展。雅兒跟男朋友組成本地獨立樂隊,兩年前開始在街上賣唱,鍛煉自己的歌藝,盼終有一天遇上伯樂,由在街上唱別人的歌,晉身大舞台唱自己的歌,成就自己的經典。

記者:鄭翠碧 攝影:郭顯熙、陳浩元

        現年二十三歲的謝雅兒,中學就讀Band one英中,順利考入中大社工系,她一直鍾愛唱歌,中學時在學校音樂劇中演出。她跟男朋友陳嘉銘是中學同學,嘉銘亦升讀中大,二人自一三年開始一起練歌,參加校內的歌唱比賽,至一五年七月組成樂隊「嘉銘與雅兒」,嘗試挑戰街頭賣藝,唱流行曲和自己的原創作品。

  「喺東涌Busking,好多觀眾都是居民,佢哋坐樓梯聽我哋唱,又同我哋傾偈,又會買嘢飲畀我哋!」不像一般街頭賣藝者選擇旺角和尖沙咀一類熱門賣藝地點,嘉銘和雅兒稱有意外收穫:「試過有人放低鴻福堂湯券,又有露宿者將僅有嘅一堆餅送畀我哋,仲有小朋友執一堆樹葉送畀我,好窩心。」

  街頭賣藝也有倒楣的時候。 「因為附近一位居民投訴,後來我們改去其他地方唱,好少再去東涌。」「我哋試過一日被警察趕三次,由旺角東、旺角,再到銅鑼灣,一日轉咗三個地方,每次都唱半個鐘左右就被警察趕,係我哋最難堪嘅一次經歷。」雖然有倒楣的時候,他倆異口同聲說極喜歡賣唱:「Busking好特別,你可以同觀眾好接近,喺佢眼神中得到好多力量。」

  雅兒又提到賣唱最大的得着,是認識到一群喜歡聽他們唱歌的人,例如有一個觀眾,成為了他們的朋友,義務幫他們拍宣傳照片。他們十分有觀眾緣:「好奇妙,無論去邊都有啲觀眾好支持,例如有次喺中環,有觀眾特登揸車送我哋返荃灣studio(工作室)。仲有一個叔叔,為咗聽我吔唱歌,唔介意去偏遠地方,例如是將軍澳同科學園,令我覺得要鞭策自己(做得好)。」

事業轉型 唱廣告歌 上綜藝節目

  談到賣唱的賞錢,嘉銘說收入不穩定,在東涌時十分豐厚,一晚約兩三小時,也有一千元。其後去其他地方,由百多元至五百元也有。不過賣唱不只令他們的歌藝有進步,也為他們帶來連串工作機會,不少人邀請他們到市集、嘉年華、餐廳、酒店及機場表演,更有八對新人邀請他們到婚禮上唱歌,今年初他們亦開了一個小型音樂會。賣唱起初只是因為興趣,但他倆卻意外地發現,做歌手或許可以是人生中一個選項,去年畢業至今也沒有找全職工作,只做幾份兼職幫補生計,嘗試全力「追夢」。

  放棄薪高糧準的社工專業,雅兒沒有不甘心:「讀社工開心,係自己鍾意嘅科目,當時諗將來要做一個搞好多表演嘅社工,但發現自己更想成為表演嗰個人。好希望我未來嘅工作係我每朝起身都好想去做嘅事,同一份唔會放假就要去旅行嘅工。」不顧一切去追夢,嘉銘和雅兒坦言他們很幸運,未有家庭負擔,又得到家人支持。

  近月雅兒工作機會不絕,唱廣告歌和微電影主題曲、為電影聲演、於陳輝陽作品展中演出,上月有機會於內地一個綜藝節目中,跟男歌手胡夏對唱,前路漸露曙光。不過她和嘉銘仍自覺音樂底子不夠好,現正學習樂理「補底」,希望提升音樂造詣,未來能成為全港最好的男女合唱組合。

hd