港產世界盃持旗手 辦親子活動傳承足球

  世界盃打得如火如荼,曾代表香港遠赴德國柏林出任世界盃持旗手的湯俊傑(Jason),自小熱愛足球,他憶述二○○六德國世界盃獲選為八強賽事開球禮持旗手之一,在球場上高舉旗幟,感受熱情高漲的氣氛,令他留下畢生難忘的寶貴回憶。Jason正與同樣熱愛足球的老友舉辦親子活動,期望將足球運動傳承。

  受父親熱愛「睇波」感染,Jason自小亦愛上足球活動。年約五歲上幼稚園的Jason,對足球第一個印象,源自一九九八年的世界盃決賽,對巴西以○比三慘敗給法國,他大了仍記憶猶新。對足球早有認知的Jason,小學一年級隨即加入校內足球隊,想進一步了解足球。

06年八強賽事登場

  二○○六年德國世界盃前夕,適逢有運動品牌招募世界盃持旗手,Jason見機會難得,撰寫自薦信報名參加。當選成為世界盃持旗手必須過關斬將,Jason指當年選拔分三個階段,大會進行閉門遴選後,從逾百位參賽者挑選十二位晉身決賽,最後公開進行多項比賽,展示參賽者對足球的知識,如足球的起源地等,他形容過程猶如香港小姐競選,要突圍而出毫不容易!

  「經過幾輪選拔,自己成功獲選,親身飛去德國,除咗可以去現場睇波之外,亦都可以係球場中間同另外幾位持旗手一齊拉着支旗出場,個個片段真係畢生難忘。」Jason憶述,○六年於世界盃八強賽事的開球禮中,自己與其餘五位持旗手高舉公平競技旗幟列隊進場,「當時感覺真係好神奇,可以走入電視機入面嘅世界,仲有機會親眼見到職業球員,持旗手引領德國同阿根廷兩支勁隊入場個陣,自己仲好細粒,企喺球星側邊,都係到佢哋腰位,感覺佢哋真係好高大,好有氣勢。」

  Jason表示,電視機所見,與現場氣氛有別,「現場觀眾高漲嘅情緒會一直咁持續,歡呼聲好震撼,只有兩隊唱國歌個陣先會靜一靜落嚟,自己當時可以喺球場正中間感受實場氣氛,真係好正!」他坦言希望見到香港隊躋身世界盃的一日,他續指:「二○二六世界盃將由現時參賽嘅三十二隊增至四十八隊,所以唔係無可能,香港人緊係支持香港隊啦!」

  對於今屆俄羅斯世界盃,Jason感受到港人群情洶湧,有世界盃直播的地方大家都蜂擁而至,駐足觀賞,反映本地的足球熱潮未有減退,「但感覺少咗好多小朋友鐘意足球,可能係因為現時有比較多嘅電子遊戲選擇,真係覺得好可惜啊!」他認為,足球不但可以運動健身,亦可擴闊生活圈子,好處多多!

  Jason正與好友黃子健(Eiswein)、老煒祺(Wilkie)合辦《再看九十分鐘》親子活動,「知道大家平時返工日忙夜忙,希望活動可以鼓勵大家約爹哋地睇波,珍惜同屋企人一齊嘅時光!」

記者:陳翠美 攝影:蘇正謙/受訪者提供

hd