自私精霸殘廁吸煙鬼混

  有全失明人士昨在社交平台「Tai Po 大埔」群組發帖,炮轟商場內有殘廁遭人不當使用,指有人在廁所內吸煙和鬼混,令真正使用者被迫吸二手煙!

  全失明人士包包寫道︰「好多輪椅朋友因為嚴重疾病需要用呼吸機,呼吸系統比一般人差好多,對煙味特別敏感,呢種無奈有幾多個人會明白體會得到?」並認為,殘廁如同關愛座,「任何人都可以有權利用殘廁」,但最重要是應有公德心、自律,「有需要一樣可以用,最多衡量自己某情況下係唔係唔用殘廁唔得,如果緊急到一定要用嘅,係真係無可厚非嘅,放心用啦」。更表示明白很多時是迫不得已,但盼互相體諒。

  帖文引來不少網民留言支持樓主,「指應該拍片令大眾正視問題」,但亦有批評樓主提及的自私精「真係離譜,用唔係問題,但係用到咁叫人點去」,認為事件值得關注,「應該整個拍卡機,特定人士先有得拍入去,防止濫用」。

  另有在商場工作的網民表示,不時見到很多人貪方便而使用殘廁,「最離譜係响入面煲煙,試過打埋去控煙辦投訴都無用,所以就算麻煩啲都寧願鎖咗道門,好過被人濫用」。


hd