心穎主動胸壓摸髀 的士攬啜心穎 「安心偷食」斷正 安仔認錯:我起咗色心

        現年五十一歲的許志安與老婆鄭秀文(Sammi)結婚五年,昨日爆出他在車廂摸啜馬國明女友、三十歲的黃心穎,全城哄動。許志安昨晚召開記者會,聲淚俱下認錯,自言對不起老婆Sammi;又自認所作所為嘔心,後悔色心起未能自我控制,此刻自己是一個「壞咗」的人,不知如何走以後的路;因此宣佈暫停所有工作,希望在往後的一段時間深刻反省。

        許志安被爆偷食黃心穎,一手打破與鄭秀文(Sammi)的「娛樂圈最後童話」,震驚全城!安仔昨晚七時在銅鑼灣召開記者會,過百傳媒到場採訪。安仔傍晚六時半乘七人車離開淺水灣寓所,駛往酒店後由秘道入場,落車時助手為他遮樣,現場一片混亂。

認行為嘔心

  穿深色便服的安仔準時現身,面如死灰,先九十度鞠躬,並低頭坐下,開口即哽咽說:「我衷心同大家講對唔住,向家人、Sammi家人、朋友致萬二分歉意。自己做咗不可彌補嘅事,我為自己嘅錯深深反思,今日喺呢度想承擔責任。當晚的確飲咗好多酒,但絕對唔係一個藉口去做一件咁錯嘅事。我非常之後悔,好難面對自己同接受唔到自己。」

  開始淚崩的安仔續稱:「我睇到報道後覺得自己好丟臉,好錯好討厭、好嘔心、好陌生,有反思點解唔可以控制自己,去犯呢個錯,起咗色心。我覺得承擔責任方面分兩部份,第一由現在開始會暫停所有工作,直至搵番一個真正同正確嘅自己,從新檢視自己做人。第二部份係心靈上,我覺得自己不知所謂,因為我嘅錯同行為而令身邊所有愛我嘅人承受咁大壓力同痛苦,希望未來日子將所有被我整傷同整痛嘅人都可以好好,報道令我深刻反思最錯地方係迷失咗自己。」說到此,安仔暫停並抹淚。

車廂內十指緊扣

  最後安仔再致歉:「我要再一次向所有愛我的人講聲,令你哋難堪,我做錯咗,我對唔住Sammi。我唔知以後點去行我自己嘅路,呢一刻我無咗靈魂,我是一個壞咗嘅人,希望大家可以畀時間我搵番自己,最後同所有人講對唔住。」整個記者會短短約七分鐘,安仔臨離場前再次九十度鞠躬,然後由工作人員陪同離開。傳媒追問他怎向Sammi解釋和補償,怕不怕她舊病復發?他的演唱會是否繼續?會否就遭侵犯私隱報警?他一概不作答便離場。記者會結束後,安仔極速上車,直駛回淺水灣寓所。

  昨日流出的安仔偷食心穎片段可見,安仔最初與心穎以及另一友人登上的士後座,因為男友人稱要先送心穎回家,戴上黑色口罩的心穎就爆粗說:「唔好扮嘢啦!X你!兜X咗我先?」講粗口似十分流利。二人送完男友人回家後,齊向司機講出心穎的地址,隨後十多分鐘車程,二人十指緊扣,心穎被指「姣精上身」,不停主動咀安仔逾二十次,又摸又啜,兩人亦有將手放在對方大髀,舉動極親密。據知,二人早在兩年前已開始發展「不正常友誼」,最後紙包不住火,親熱過程暴露人前。

hd