活學語文通識助考DSE 換飛入場睇星島辯論總決賽

  DSE通識卷考題好多時都嚟自社會熱烈爭辯嘅議題,「星島全港校際辯論比賽」向來以熱門社會時事作為辯論議題,對DSE準考生嚟講係活學通識時事嘅大好機會!五月十七日即將進行第三十四屆「星島辯論」總決賽,大會現邀請公眾入場觀賽,想攞料學嘢就快啲換飛啦!

  「星島辯論」係學界活學通識及語文嘅至佳課外活動,入圍嘅學校都係精英隊伍,口才同思維都一流,成功晉級總決賽嘅中文組同英文組四強更係經過百場辯戰,過關斬將嘅超級尖子,對辯題有獨到分析及見解,由解題、論證到駁斥都鏗鏘有力,觀眾必定可以喺佢哋身上獲益良多。

  今屆成功打入總決賽四強精英隊伍,中文組為藍田聖保祿中學及華英中學,英文組為陳瑞祺(喇沙)書院及可風中學(嗇色園主辦),終極對戰,肯定精采!大家可以掃描QR Code及列印印花,連同一個有效嘅《星島日報》報頭,到星島中心或指定7-11便利店換飛。換領截止日期為五月十六日,立即行動!


hd