東京直擊 Sony新旗艦 極緻畫質

        香港地方細,平日用手機出街睇片煲劇、追YouTube惡搞片,仲多過同屋企人爭大電視。難怪Sony近日帶來新旗艦Xperia XZ Premium,主力提升畫質,更是全球首部具有4K解像度兼支援HDR的手機。品牌亦宣佈Amazon Prime已率先帶來串流4K加HDR片源,加上YouTube及Netflix一眾4K短片及劇集,大家第日匿埋牀上都可以享受自家高畫質迷你影院!文、圖:Anna(東京)

        其實去年Sony已經推出備有4K畫質的Z5 Premium,可惜當時4K片源不多。正所謂科技日新月異,事隔一年,除了YouTube外,Netflix亦宣佈支援以手機播放4K,而現時大部份的手機及相機都可以拍攝4K片段,片源已可說是源源不絕。如今Sony將旗艦級電視的技術移植到手機上,新旗艦Xperia XZ Premium畫質達4K解像度外,更支援HDR,令色彩表現更好,而擁有4K再加HDR的片源亦在Amazon Prime登場,大家不用擔心「得機無所用」。

  新機亦支援Sony PS4連動,換而言之可在手機上以HDR畫質打機,玩《FF XII》可以睇盡每個細節。另外新機盡顯日本品牌的細心,在設計上因應手機用家會在戶外、公司,甚至夜晚匿埋牀上睇片,現場光度有所不同,特意加入Tone mapping功能,例如在戶外睇片時,即使將熒幕推光,系統亦會自動調校畫面,避免過曝,以保留畫面細節。從此極致畫質不再限於暗黑房間先睇到,新機畫質表現絕對勝過家中早幾年入手的大電視!

聲畫影攝樣樣精

        有靚屏幕,當然聲音都要夠質素,先可以做到迷你影院效果。Sony音質技術在眾手機品牌中一向相當突出,新機少不了支援Hi-Res音效,機身正面兩個前置喇叭可做到立體聲效果,而換上耳機後,內置的自動耳機優化技術(AHO)可提升音質表現,更加入DNC數碼抗噪技術,出街睇片都可消去煩雜人聲。

        拍攝方面,除了支援4K拍攝,亦用上Motion Eye相機系統,可拍攝32倍慢速片段,最適合捕捉寵物或小朋友的得意動作。機身前置鏡頭亦擁有1,300萬像素,加上支援最高256GB插卡,「分享症」用家拍攝再多片段都無問題。另外機身擁有IP65/68防水防塵規格,出街睇片遇着落雨天都冇有怕!

hd