會變令和神劇嗎?新一代日版《Sherlock》福爾摩斯藤岡靛一岀即創高收視

福爾摩斯《Sherlock》向來都是深受大眾喜愛的經典之作,之前英國版由 Marvel 奇異博士 Benedict Cumberbatch 飾演福爾摩斯大受好評,現在日本都趕上福爾摩斯熱潮推岀令和版《Sherlock》,由藤岡靛型男飾演男主角!昨晚首集播出便創12.8%高收視,如果勢頭可以持續話唔定有機會成為令和首套神劇!唔知係型男藤岡靛顏值所賜,抑或福爾摩斯的魔力呢?若然各位姊妹嫌英國版福爾摩斯太有距離感,話唔定這套日本令和版《Sherlock》會啱你~

港女今次真係走漏眼,估不到在香港出道的型男藤岡靛得不到港女歡心,返家鄉日本就有機會首次擔當富士台月9劇集主角,首集一出更以福爾摩斯紳士裝扮型爆登場,係夜幕下拉小提琴破案,令不少女觀眾在網上大讚藤岡靛「好型!」。唔怪得日版《Sherlock》一岀即創高收視!作為港女一份子發現走寶真係睇到揼心口!

今次《Sherlock》故事背景亦緊貼現在設定於令和時代,藤岡靛飾的福爾摩斯夥拍岩田岡典飾的華生,兩個型男走在一起說不定有基情火花,小編十分期待!除了做男主角,藤岡靛更包辦今次《Sherlock》主題曲《Shelly》,真係眼睛和耳朵都同時戀愛~

文:Lanita Lau        圖:ig


hd