【收費比併】音樂串流服務平台收費特色大比併!連今日登場YouTube Music都有份

無論返工、返學,定沖涼跑步,今時今日人人都歌不離身,用嚟聽歌嘅音樂串流平台亦愈來愈多,今日連YouTube都大搞發佈會加入音樂串流服務平台這個戰場!音樂串流平台咁多,究竟邊個最適合你?小編而家就整理好現時本地主要音樂串流服務平台特色,最重要嘅收費同著數都List晒出嚟,俾你慢慢比較!

YouTube Music

今日必講,一定係最新鮮熱辣的YouTube Music,這個音樂串流服務平台App今日新登陸Android及iOS,唔想用電話聽?亦可以好似其他串流平台一樣,在網頁瀏覽器都聽得歌!其實YouTube未有YouTube Music之前,都有好多音樂愛好者會在YouTube上自製歌單,玩concert和Busking直播,甚至搜尋冷門歌來聽!好消息,以上內容YouTube Music統統都有,更會多了本地歌手和音樂人音樂影片首發等獨家內容!

值得一提,YouTube Music將額外提供同時使用其他Apps仍可在背景繼續播放、音樂同影片可一鍵切換,零廣告干擾,下載歌曲和影片離線播放等,不過這幾個功能是YouTube Music Premium付費會員限定,即係免費1個月後每月俾 $58 (Android) / $78 (iOS) 先可享有。

免費試用:1個月(香港用戶)

個人月費:YouTube Music premium (Android)$58 / (iOS) $78

家庭計劃費用:(Android) $88/月 / (iOS) $118/月 (六人共享)



KKBOX

2009年就已經進軍香港的KKBOX,主打日韓及華語歌曲,歌曲庫豐富而且有不少獨特功能,其中「一起聽」最為特別,用戶可以跟隨「台長」一齊聽其專屬歌單,又有機會同歌手互動,傾下偈唱下歌;以及收睇演唱會直播等。

免費試用:7天

個人月費:$58

家庭計劃費用:$79/月(三人共享)



Apple Music

鍾情外國樂隊或歌手的你,選擇Apple Music和Spotify會較合適,Apple Music是iOS系統原生音樂軟件,歐美歌曲庫存豐富,並有多個廣播電台及提供專業 DJ品味歌單。不只可以用Apple Watch來聽歌,亦支援Android手機,一家人分享使用就最抵!

免費試用:3個月

個人月費:$58

家庭計劃費用:$88/月(六人共享)

Spotify

用開Spotify的用戶,必定用過佢所謂「免費」音樂串流服務聽歌,由於做Spotify Premium會員收費每月$58有過百萬首歌唔使錢任聽不算貴,首3個月免費,同樣支援離線聽歌,歐美歌較齊全,還有根據你平時聽歌的風格提供建議歌曲的Daily Mix功能。小編聽不少用家都表示願意俾月費,避免聽三至五首歌就彈廣告,以及不能揀歌的麻煩!

免費試用:永久免費使用普通版;Premium則免費試用3個月

個人月費:$58 Premium

家庭計劃費用:$88/月(六人共享)



JOOX

想免費聽本地歌,JOOX與Spotify一樣,普通用戶免費但有限制,JOOX中間廣告無Spotify咁多,不過勝在同本港三大唱片公司簽約,所以本地熱播榜非常Update之餘,又囊括了中、英、日、韓語的熱門歌,特別適合香港人口味。

免費試用:永久免費使用普通版

個人月費:$49

家庭計劃費用:沒有



MOOV

音樂平台MOOV,本地歌曲齊全,亦有華語、日韓的熱門歌;付費版更提供無損音樂格式,最高音質為1411kbps FLAC。而作為本土音樂App,不時會製作自家內容,例如由MOOV Live演唱會製成的MV;而在功能上,亦獨有「音樂治療」,由音樂治療師製作聲音導航歌單,以音樂舒緩情緒。

免費試用:14天

個人月費:$48

家庭計劃費用:$69/月(三人共享)


hd