【天氣轉涼】跟韓星著秋冬流行外套

今日氣溫下降,終於感受到秋天的氣息,又係時候增添當季潮流外套,好多女生都想要件既保暖又不失時尚嘅褸,不如參考當紅韓女星的日常穿搭搵下靈感啦!



前陣子韓國還未下雪前,喺微微涼意下,人氣女團BLACKPINK成員Lisa同Jennie都穿上開胸針織外套,通常內裡襯托淨色背心或tee,喺短袖衫上加多一層layer,然後配搭牛仔褲;大家亦可以學下Jennie著寬腳褲,襯出來帶點隨意又知性。如果對自己身形有信心的話,就試試今年最hit嘅穿法,就係只穿上針織外套,扣上兩三粒鈕,把肌膚顯露出嚟,帶點小性感。



而最近韓國愈嚟愈凍,女星都紛紛穿上較厚嘅外套,好似BLACKPINK成員Rosé、泫雅同Red Velvet成員Yeri等先後穿起以大地色為主嘅抓毛外套,這些淺啡、杏色嘅Teddy Jacket,好似bear bear熊咁得意,相信走可愛路線嘅女生,今個秋冬都要入手一件吧!

Photo Source: IG




hd