Advertisement

馬場Hot Talk——告東尼力爭七冠!

  告東尼先前六奪打吡,其四是得自從騎歲月,轉任練馬師後,先後憑○四年「幸運馬主」與○八年「喜蓮福星」兩度奪魁,今屆兵分三路,最受注目是「巴基之星」。此駒早於上季尾贏新馬賽時已熱爆網絡,雖然早陣子戰績一度回落,不過上場在香港經典盃已威風再現,一如以往後上如飛殺入亞軍,難怪告東尼認為今仗爭打吡排十三檔亦影響不大,反正是疊埋心水同對手鬥後勁。而「巴基之星」今仗若然贏馬,另具歷史意義,將成為首匹出自國際馬匹拍賣會的打吡冠軍。

  至於另一匹東廄打吡戰馬「大雄圖」,來港前曾四戰二千米或以上路程,長力絕無疑問,觀乎上仗其後上贏田草一哩的走勢,周日亦有望可與「巴基之星」並駕齊驅,直路鬥衝爭冠軍。到時Tony手掌手背都是肉,但若由「大雄圖」贏馬,潘蘇通就會成為繼前馬會大董榮智健後,第二位兩度捧打吡獎盃的馬主,巫斯義就會同告東尼睇齊,以騎師身份四奪香港打吡。

馬場脈搏

hd