健談馬事——同歡樂值得信賴

  元旦賽日,預計會有不少一面倒大熱門馬,只因過半場合,參戰馬的水準幾近分成兩截,參差甚大,連揀馬都有困難。

第四場「同歡樂」初出已受注目,換潘頓更加會熱,只望同場有「旋風腿」分擔票數,不致熱過太過份。今次由一千轉千二,表面上有難度,然而睇牠快跳、試閘,無論轉彎、直路都無用錯腳,對其能跑千二信心足夠,更期望會比一千更好。

第七場「裕豐泰」初出谷草千二上名,水準不算特別,上仗挑戰難度,轉爭田草千四,排大外檔,就連跑法也轉埋,不留而放被頂在二疊,焗跟快步速,有本事頂到最後數十米才力弱,進步幅度遠比初出入Q大,今次縮回跑千二,遇到一組弱旅,有埋內檔,機會頗突出。

子健

hd