健談馬事——指揮官放心捧場

  第三場姚本輝刻意安排「指揮官」縮程跑一千,與上仗跑千二的「生力軍」對調報名,經過連拼後,復課喜見這匹剛逾一千磅的細馬無轉瘦,公布體重還微升數磅,證明無睇錯;今次縮程對手更弱,排四檔,不夠快也不必鬥搶,只要安於守在數匹前領馬之後,預算賺埋形勢,遠比博其他馬匹放心。

  再講第五場「中華壹號」,筆者認為牠不適宜密跑,所以每見頻密上陣,都好少會吼。今次再吼,休息了六周是主因,亦鍾意期間操足,容天鵬更諗計,早前決定重戴眼罩試谷閘,測試滿意後,方落實復用眼罩落場,有運抽一檔,也是想再博牠的另一因素,預期有眼罩多能守好位,應該好跑到暈!

子健

hd