健談馬事——萬里威揚有望贏馬

  第一場「萬里威揚」減夠分後,徐雨石即部署等今場,毋須再密跑,騰出時間讓其回氣,埋門三周加辣操練,再次推高狀態,繼而報名做後備,以求取這次出賽保護權,部署做得穩妥,而為了避免負重磅,今次改用減五磅的潘明輝,又幸運地抽內檔,以其季內在四班同程三度入Q之水準計,只要犯錯不多,有望勝回一仗。

  第二場「真心意」無內檔無得跑,只因牠有直路例側身內閃,想黐欄的壞習慣,導致落場唔好多過好,最近不斷轉場地、路程,又加鼻箍,難上加難;來到今次才肯修正,復跑千二,除去無用的鼻箍,最難得是抽到二檔,只要蔡明紹肯攬實條欄,期望會有驚喜表現。

子健

hd