重點出擊——龍騰馬躍今晚食胡

  電影《嚦咕嚦咕新年財》的男主角劉德華有一經典對白:「越爛嘅牌,越要畀心機打」!筆者有眼不識泰山,暑期文章提及丁廄馬普遍質素平庸,今季開倉前路茫茫,但好一個丁冠豪竟化腐朽為神奇,三扒兩撥進佔練馬師榜第二位,雖然勝出馬匹多以低班為主,總奬金更不及只得五W的高伯新,但總算一個好開始。

  鬥志高昂的丁師傅,最可愛之處是部署手法明刀明槍。今晚第二場「龍騰馬躍」,過去兩季只一次上名,出賽亦只得十一次,明顯偏少。但看今季晨課,此駒多番由韋達主試,動態積極,而最近一課泥閘綵排,居中後上勝出,能趕過三班馬「嘉應傳奇」,可見態況勇銳。今次瞄準泥地千二,或因前季於同程蝕盡慢步速亦追入季軍,該役其末段時間,僅較同場泥地精英「開心旅程」稍慢而已,以後駒其後能多添兩冠一亞的水準計,「龍騰馬躍」居五班大佔便宜!

安西教練

hd