深思熟慮——減分千日爆在一時

  先祝各位讀者豬年馬運亨通,心想事成。

  執筆之時正值年初三賽後,賀歲賽事一向給人印象多是熱門收場,果然全日大熱W開了五場半,其中一場平頭,而大熱Q全日卻只開了一條,反而好幾場出現巨型冷腳如「霽月高風」、「非凡才子」,不易命中,甚至頭場出馬少也有「勇駒」入Q,若手執大熱膽買Q,可拖中冷門而有錢贏者,肯定不多。

  早前谷草送歲賽已有幾場屬熱頭冷腳,如「合作愉快」八十多倍入Q,「富萬家」亦有三十多倍,甚至「福愛寶」更是過百倍得第三名,此類馬的共通點是近績極平凡,一般會歸納為久沉馬,但好處是累積減分頗多,而且以往曾在較高班次有表現,絕非全無競爭力,只是近績太差或路程不合才受忽視,要博冷門不妨可向此類馬埋手。

  香港養馬費不菲,如真正已失去戰鬥力之馬,幕後一般也傾向趁早退役,無謂浪費彈藥。若近績差而又尚未退役之馬,當然是認定仍有可為,待減夠分便乘冷出擊,正所謂「減分千日,爆在一時」。

思力

hd